Ён нябачна знаходзіцца ўсюды, ува ўсіх сэрцах, гэтак жа як у дрэве нябачна ўтойваецца агонь. Як Звышдуша, Крышна да ўсіх ставіцца аднолькава і нікога ня лічыць Сваім сябрам ці ворагам, роўным Сабе, ніжэй ці вышэй за Сябе. Насамрэч, у Яго няма ні бацькі, ні маці, ні братоў, ні сваякоў. Ён ня мае патрэбы ў сяброўстве і каханні. У адрозненне ад нас, Яму не даводзіцца атрымваць матэрыяльнае цела, нараджацца чалавекам ці з’яўляцца на свет у вышэйшых або ніжэйшых формах жыцця. Звычайныя жывыя істоты змушаны нараджацца ў матэрыяльным свеце з-за сваіх мінулых справаў і ўчынкаў. Але Крышна прыходзіць у гэты свет з дапамогай Сваёй унутранай энэргіі, каб даць заступніцтва тым, хто адданы Яму. Ён не падуладны гунам матэрыяльнай прыроды, аднак, знаходзячыся ў гэтым свеце, Ён на першы погляд паводзіць Сябе як звычайная жывая істота, схільная ўплыву матэрыяльных гунаў. На самай справе Крышна толькі назірае за тым, што здзяйсняецца ў матэрыяльным свеце. Непадуладны гунам прыроды, Ён стварае, падтрымвае і знішчае матэрыяльны космас.

Крышна. Вярхоўная Асоба Бога. Частка 46
(Падрыхтаваў Садху-бхушана дас, лістапад 2022)
Навігацыя: