img

25 лютага 1943 года нарадзіўся знакаміты Джордж Харысан. У 1970 годзе ён ахвяраваў ІСККОН сродкі на выданне кнігі «Крышна, Вярхоўная Асоба Бога» («Крыніца вечнай асалоды»), якая расказвае пра гульні (дзеі) Госпада Крышны, з каментарамі Шрылы Прабхупады. Варта ўзгадаць ягоныя словы з прадмовы да кнігі.

Усе шукаюць КРЫШНУ. Некаторыя не разумеюць гэтага, але і яны шукаюць Яго. Крышна – Бог, крыніца ўсяго існага, прычына ўсяго, што ёсць, было ці некалі будзе. БОГ бязмежны, таму ў Яго шмат імёнаў. Алах-Буда-Егова-Рама: усе яны – Крышна, усе яны ёсць АДНО. Бог не абстракцыя: Ён мае безасабовы і асобавы аспекты; Ён вярхоўны, вечны і поўны ведаў, і Ён – асоба. Як кропля вады мае тыя ж якасці, што і акіян вады, гэтак і наша свядомасць валодае якасцямі свядомасці Бога... Але з-за таго, што мы атаясамляем сябе з матэрыяльнай энэргіяй і прывязаны да яе (да фізычнага цела, пачуццёвых асалодаў, матэрыяльнай уласнасці, эга і іншага), наша сапраўдная трансцэндэнтная свядомасць пакрылася брудам і, падобна пыльнаму люстэрку, ня здольна паказваць чыстае адлюстраванне. За мноства жыццяў наша сувязь з часовым узрасла. Гэтае тленнае цела – мяшок з костак і плоці – мы памылкова прымаем за нашу сапраўдную існасць. Мы пагадзіліся з тым, што гэтыя часовыя ўмовы канчатковыя. Ва ўсе вякі вялікія святыя былі жывым сведчаннем таго, што вечнае богаўсведамленне можа адрадзіцца ўва ўсіх душах. Кожная душа па прыродзе сваёй боская. У «Бхагават-гіце» (6.28) Крышна кажа: «Дасягнуўшы поўнага самавалодання і свабоды ад матэрыяльнай гнюсі, ёг знаходзіць найвялікшае, дасканалае шчасце ў судотыку з Найвышэйшай Свядомасцю». Ёга (навуковы метад спазнання Бога і свайго Я) дазваляе чалавеку ачысціць сваю свядомасць, назаўжды ахаваць сябе ад гнюсі і наблізіцца да Дасканаласці, поўнай ведаў і асалоды. Калі БОГ існуе, я хачу ўбачыць Яго. Бессэнсоўна верыць у нешта бяз доказаў. Свядомасць Крышны і медытацыя – гэта метады, з дапамогай якіх можна навучыцца сапраўды ўспрымаць Бога. Вы сапраўды можаце бачыць, чуць Яго, гуляць з Ім. Магчыма, гэта гучыць неверагодна, але Ён сапраўды тут, сапраўды з кожным з вас.

Існуе шмат шляхоў ёгі – раджа, г’яна, хатха, крыя, карма, бхакці, якім вучаць настаўнікі кожнага з гэтых метадаў. Свамі Бхакціведанта – як кажа і ягоны тытул – ёсць бхакці-ёгам, які ідзе шляхам адданасці.

Служачы Богу кожнай сваёй думкай, словам і справай, спяваючы Ягоныя святыя імёны, адданы хутка развівае ў сабе свядомасць Бога. Паўтараючы:

Харэ Крышна, Харэ Крышна
Крышна Крышна, Харэ Харэ
Харэ Рама, Харэ Рама
Рама Рама, Харэ Харэ

вы непазбежна дасягнеце свядомасці Крышны. (Ня верыце – праверце!) Я прашу вас скарыстацца кнігамі пра Крышну і паглыбіцца ў іхны змест. Я таксама прашу вас прызначыць сабе, нарэшце, спатканне з Богам з дапамогай працэсу самавызвалення, які называецца ёгай (яднаннем), і тым самым ДАЦЬ СВЕТУ ШАНЕЦ.

(Падрыхтаваў Садху-бхушана дас, люты 2023)
Навігацыя: