Пытанне: Як знайсцi сiлу, каб не апускаць рукi ў складаных становiшчах?

Адказ: Каб знайсцi рэальную крынiцу сiлы, патрэбна зразумець, адкуль сiла прыходзiць. Калi мы цалкам знаходзiмся ў хаосе бессэнсоуных акалічнасцяў: памiрае родзiч, губляецца фiнансавая стабiльнасць, у дадатак карона-вiрус – тады чалавеку цяжка супрацiўляцца гэтаму цi знаходзiць сiлы жыць сярод гэтага. Мусім зразумець, што ўсё гэта навучае мяне, усё гэта дапамагае мне стаць лепшым. Трэба зразумець, што за ўсiм гэтым стаiць Бог, i Ягонае жаданне палягае ў тым, каб навучыць нас любiць, служыць iншым. Таму ёсць вельмi добрая але ня простая парада. Калi мы жадаем справiцца са складаным становiшчам, трэба пачаць дапамагаць iншым. Дзякуючы гэтаму, мы вырашым i нашыя асабiстыя праблемы. Калi ў чалавека дэпрэсія, трэба служыць iншым, i гэта дапаможа выйсцi з засяроджанасцi на сваёй праблеме. Дапамога iншым дапамагае адчуць шчасце. На самой справе, ёсць шмат людзей, якiя знаходзяцца ў больш цяжкiм становiшчы, чым мы, i iм патрэбна дапамога.