этані — гэтыя; апі — безумоўна; ту — але; кармані — віды дзейнасьці; сангам — ад зносінаў; тйактва — адпрэчыўшы; пхалані — вынікі; ча — таксама; картавйані — тыя, якія варта выконваць з пачуцьця абавязку; іті — так; ме — Маё; партха — о сын Прытхі; нішчітам — пэўнае; матам — меркаваньне; уттамам — лепшае.

Хаця ўсе ахвярапрынашэньні ачышчаюць, чалавек не павінен імкнуцца атрымаць плады ахвярапрынашэньняў. Іншымі словамі, ад усіх ахвярапрынашэньняў, прызначаных для дасягненьня матэрыяльнага посьпеху, трэба адмовіцца, але ад ахвярапрынашэньняў, якія ачышчаюць сьвядомасьць і што ўзвышаюць духоўна, адмаўляцца нельга. Трэба рабіць усё, што дапамагае нам разьвіць у сабе сьвядомасьць Крышны. У «Шрымад-Бхагаватам» таксама сказана, што любое дзеяньне прымальнае, калі яно вядзе да адданага служэньня Госпаду. Такі вышэйшы крытэр рэлігіі. Адданы павінен займацца любой дзейнасьцю, праводзіць ахвярапрынашэньні і рабіць ахвяраваньні, калі гэта дапамагае яму служыць Госпаду.