шучау — у чыстым; деше — месцы; пратіштхапйа — усталяваўшы; стхірам — цьвёрдае; асанам — сядзеньне; атманах — сваё; на — не; аті — занадта; уччхрітам — высокае; на — не; аті — занадта; нічам — нізкае; чаіла-аджіна — мяккай тканінай і аленевай шкурай; куша — і травой куша; уттарам — пакрытае; татра — там; эка-аграм — засяроджаны; манах — вум; крітва — зрабіўшы; йата-чітта — кантраляваны вум; індрійа — пачуцьці; крійах — той, чыя дзейнасьць; упавішйа — усеўшыся; асане — на сядзеньні; йунджйат — хай займаецца; йогам — йогай; атма — сэрца; вішуддхайе — для ачышчэньня.

Пад чыстым месцам тут маецца на ўвазе месца паломніцтва. У Індыі йогі, ці адданыя, пакідаюць свае дамы і пасяляюцца ў сьвятых месцах, такіх як Праяг, Матхура, Врындаван, Хрышыкеш і Хардвар. Там, на берагах сьвятых рэк Гангі ці Ямуны, яны ў адзіноце займаюцца йогай. Аднак часта гэта бывае немагчымым, асабліва для тых, хто жыве за межамі Індыі. Так званыя суполкі йогі, створаныя ў вялікіх гарадах, могуць прыносіць прыбыткі іх заснавальнікам, але не даюць людзям магчымасьці па-сапраўднаму займацца йогай. Той, хто ня здольны кіраваць сваімі пачуцьцямі і вумом, ня можа займацца мэдытацыяй. Таму ў «Брыхан-нарадыя-пуране» сказана, што ў цяперашні век, Калі-югу, калі людзі жывуць мала, марудна рухаюцца шляхам духоўнага разьвіцьця і ўвесь час адчуваюць мноства турботаў, самым лепшым мэтадам духоўнага дасканаленьня зьяўляецца паўтарэньне сьвятога імя Госпада:

«У гэты век варожасьці й крывадушнасьці адзіны шлях да вызваленьня – гэта паўтарэньне сьвятога імя Бога. Няма іншага шляху, няма іншага шляху, няма іншага шляху».