«Тыя, хто пакланяецца напаўбагам, – кажа Крышна, – робяць ня надта разумна, хоць такім чынам яны ўскосна пакланяюцца Мне». Калі чалавек палівае вадой лісьце й галіны дрэва, але пакідае сухімі карані, гэта значыць, што або ў яго няма патрэбных ведаў, або ён не выконвае прадпісаньняў. Гэтаксама, клапоцячыся пра розныя часткі цела, патрэбна забясьпечваць ежай толькі страўнік. Напаўбагі падобныя да міністраў і службоўцаў ва ўрадзе Вярхоўнага Госпада. Чалавек павінен выконваць законы, устаноўленыя ўрадам, а не падпарадкоўвацца жадункам службоўцаў, якія кіруюць асобнымі ўстановамі. Гэтак і мы павінны пакланяцца Вярхоўнаму Госпаду, і нікому іншаму. Тады ўсе службоўцы ва ўрадзе Госпада будуць задаволены намі. Службоўцы розных званьняў і рангаў дзейнічаюць ад імя ўрада, і іх подкуп зьяўляецца парушэньнем закона. На гэта ўказвае слова авідхі-пурвакам. Інакш кажучы, Крышна не ўхваляе бессэнсоўнага пакланеньня напаўбагам.