Таму, о Aрджуна, заўсёды думай пра Мяне ў вобразе Крышны і ў той жа час змагайся, выконваючы свой абавязак. Прысьвячаючы Мне ўсе свае дзеяньні і трымаючы вум і розум засяроджанымі на Мне, ты абавязкова дасягнеш Маёй абіцелі.
Настаўленьне, якое Крышна дае Aрджуне ў гэтым вершы, мае вялікае значэньне для ўсіх людзей, занятых мірскімі справамі. Госпад ня кажа, што трэба адмовіцца ад сваіх заняткаў ці абавязкаў. Чалавек можа працягваць выконваць іх, і ў той жа час ён павінен думаць пра Крышну, паўтараючы мантру Харэ Крышна. Гэта дапаможа яму ачысьціцца ад матэрыяльнай гнюсі і засяродзіць на Крышне свой вум і розум. Той, хто паўтарае імёны Крышны, абавязкова дасягне Ягонай вышэйшай плянэты, Крышналокі.