Розум, які прымае бязбожнасьць за рэлігію, а рэлігію за бязбожнасьць, які заблытаўся, пагружаны ў цемру і які ўвесь час зьбівае чалавека з сапраўднага шляху, о Партха, зьяўляецца розумам у гуне невуцтва.
Розум у гуне невуцтва заўсёды дзейнічае ня так, як трэба. Ён прымае за рэлігію тое, што ня мае да яе ніякага дачыненьня, а сапраўдную рэлігію адпрэчвае. Людзі ў гуне невуцтва прымаюць вялікую душу за звычайнага чалавека, а звычайнага чалавека – за вялікую душу. Яны называюць праўду хлусьнёй, а хлусьню – праўдай. Што б яны ні рабілі, яны заўсёды абіраюць няправільны шлях, таму гаворыцца, што іхны розум знаходзіцца ў гуне невуцтва.