шры-бхагаван увача — Вярхоўны Госпад сказаў; камйанам — прадыктаваных жаданьнем; карманам — дзеяньняў; нйасам — адхіленьне; саннйасам — адрачэньне ад сьвету; кавайах — дасьведчаныя мудрацы; відух — ведаюць; сарва — усялякай; карма — дзейнасьці; пхала — ад вынікаў; тйагам — адмова; прахух — называюць; тйагам — безуважнасьцю; вічакшанах — дасьведчаныя людзі.

Чалавек павінен адмовіцца ад дзейнасьці, заснаванай на жаданьні цешыцца ейнымі пладамі. Так прадпісвае «Бхагавад-гіта». Разам з тым варта працягваць займацца дзейнасьцю, якая дапамагае атрымаць духоўнае веданьне. Гэта стане ясна з наступных вершаў. Веды рэкамэндуюць мноства ахвярапрынашэньняў, якія зьдзяйсьняюцца для дасягненьня той ці іншай мэты. Ёсьць ахвярапрынашэньні, якія дапамагаюць чалавеку зачаць добрага сына ці трапіць на райскія плянэты, але насамрэч ад любых ахвярапрынашэньняў, мэтай якіх зьяўляецца спаўненьне матэрыяльных жаданьняў, трэба адмовіцца. У той жа час ад ахвярапрынашэньняў у імя ачышчэньня сэрца і авалоданьня духоўным веданьнем адмаўляцца ня трэба.