О Aрджуна, у гэтым Маім целе ты можаш убачыць усё, што пажадаеш! Сусьветная форма адкрые твайму позірку ўсё, што ты хочаш бачыць цяпер ці захочаш убачыць у будучыні. Усё – рухомае і нерухомае – сабрана тут.
Знаходзячыся ў адным месцы, немагчыма ўбачыць увесь сусьвет. Нават самы выбітны навуковец ня здольны ўбачыць тое, што адбываецца на іншых плянэтах. Аднак адданы Госпада, такі як Aрджуна, можа ўбачыць усё, што ёсьць у любым кутку сусьвету. Крышна надзяляе яго здольнасьцю бачыць усё, што ён пажадае, у мінулым, цяпер і ў будучым. Так, з ласкі Крышны, бачаньню Aрджуны адкрылася ўсё існае.